Łary Teśler, inžynier, vučony i matematyk, pamior 17 lutaha 2020 hoda va ŭzroście 74 hadoŭ, paviedamlaje iphone.ru
Jon naradziŭsia ŭ 1945 hodzie ŭ Ńju-Jorku i vyvučaŭ infarmatyku ŭ Stenfardzie. U 1973 hodzie jon pačaŭ pracavać u Xerox, dzie raspracoŭvaŭ funkcyi Cut (Vyrazać), Copy (Kapijavać) i Paste (Ustavić).
Paśla jany stali nieadjemnaj častkaj usich tekstavych redaktaraŭ i apieracyjnych sistem.
U Xerox jon taksama raspracoŭvaŭ hrafičny karystalnicki interfejs, jakim možna było kiravać z dapamohaj myški. Hety pratatyp zaŭvažyŭ Styŭ Džobs i na jaho bazie vyrašyŭ vypuścić pieršy Macintosh.
Mienavita Teśler u 1979 hodzie pakazvaŭ Džobsu napracoŭki Xerox. U apieracyjnaj sistemie Xerox byli znački, vokny, tečki, kursor, uspłyvajučyja mieniu, tekstavy redaktar WYSIWYG (Što bačyš na ekranie, to i atrymaješ pry druku), łakalnyja sietki na asnovie Ethernet i funkcyi Cut, Copy i Paste.