Ukrainku Anastasiju Zinčanku, jakaja nie evakuiravałasia z Uchania, tamu što joj nie dazvolili vyvieźci sabaku, hatovyja zabrać na samalocie futbolnaha kłuba «Šachcior» (Danieck).
Pra heta 21 lutaha paviedamiŭ hałkipier «Šachciora» Andrej Piataŭ, prainfarmavaŭ kłub u Facebook.
U Piatava paśla matču z partuhalskaj «Bienfikaj» u Lizie Jeŭropy spytali, ci čuŭ jon pra ŭkrainku z sabakam, jakich pakinuli va Uchani.
«Paśla pajadynku ŭdałosia pahutaryć z [prezidentam kłuba] Rynatam Achmietavym. Abmierkavali hulniu, i prezident vystupiŭ ź inicyjatyvaj adpravić kłubny samalot, kab zabrać Naściu i inšych ukraincaŭ z Kitaja. Damovilisia, što kali ŭ hetym budzie nieabchodnaść, to kłub hatovy adpravić naš kłubny samalot za ŭkraincami, što zastalisia va Uchani», — skazaŭ Piataŭ.
