U čaćvier u Vilni prezident Litvy Hitanas Naŭsieda pryniaŭ biełaruskuju piśmieńnicu, nobieleŭskuju łaŭreatku Śviatłanu Aleksijevič.
«Ja zachaplajusia pracaj Śviatłany Aleksijevič, łaŭreata Nobieleŭskaj premii pa litaratury ŭ Biełarusi, i siońnia ŭ mianie była mahčymaść paznajomicca ź joj asabista, — napisaŭ Naŭsieda ŭ svaim instahramie. — Tvory S. Aleksijevič zaklikajuć pieraaceńvać balučyja histaryčnyja ŭroki i vučycca na ich. Historyi skalečanych čałaviečych losaŭ na postsavieckaj prastory nahadvajuć pra niebiaśpieku jadziernaj enierhietyki, jakaja vykarystoŭvajecca ŭ hieapalityčnych metach».
«Sučasny Čarnobyl — Astravieckaja AES — znachodzicca pobač ź Litvoj. Heta pahroza nie tolki Litvie, ale i Jeŭrasajuzu ŭ cełym. Kniha Aleksijevič «Čarnobylskaja malitva» — heta zvon tryvohi dla susiednich z Astravieckaj AES dziaržaŭ. My pavinny zrabić usio, kab kamu-niebudź nie daviałosia pisać chroniku «Astravieckaja malitva», — reziumavaŭ Naŭsieda.
