Pradstaŭniki Ukrainy pieradali na sustrečy trochbakovaj kantaktnaj hrupy pa ŭrehulavańni situacyi na ŭschodzie krainy śpis asobaŭ dla budučaha abmienu pałonnymi, u im značacca bolš za dźvieście čałaviek. Pra heta ŭ efiry Teleradyjokampanii Turcyi raspavioŭ prezident Ukrainy Uładzimir Zialenski. Frahmienty intervju vykładzienyja na jaho aficyjnym sajcie. Raniej były ministr zamiežnych spraŭ Ukrainy Vadzim Prystajka anansavaŭ, što heta budzie apošni abmien u farmacie «ŭsich na ŭsich», piša Radyjo Svaboda.
Pa słovach Zialenskaha, častka ludziej sa śpisu ŭžo miortvyja. «My daviedalisia imiony hetych ludziej, dzie jany znachodziacca. My nie viedajem, kali i ź jakich rehijonaŭ my vierniem hetych ludziej, ale my, biezumoŭna, chočam hetaha. Niekatorych katavali, my nie viedajem, chto tam jość. Ale, na žal, viedajem, što zmožam viarnuć tolki cieły niekatorych z hetych ludziej», — skazaŭ jon.
