Saudaŭskaja Aravija aktyvizavała pieramovy ź pierapracoŭščykami ab dadatkovych pastaŭkach nafty, u pieršuju čarhu źviarnuŭšysia da spažyŭcoŭ rasijskaha hatunku Urals, što ŭdzielniki rynku źviazvajuć z adkazam karaleŭstva na vychad Maskvy sa ździełki APIEK+. Paviedamlajecca, što pieramovy viaducca i ź Biełaruśsiu, piša Reuters.
Fota Nadziei Bužan
«Jany hrukajuć va ŭsie dźviery: biarycie tanna i šmat. Jany razmaŭlajuć z usimi pakupnikami (Urals)», — skazała krynica ŭ bujnoj naftavaj kampanii na jeŭrapiejskim rynku.
Dziaržaŭnaja Saudi Aramco płanuje pastaŭlać na jeŭrapiejski rynak kala 1,5 miljona baralaŭ nafty ŭ sutki zvyš zvyčajnaha abjomu z ahulnaha čakanaha pryrostu zdabyčy kala 2,7 miljona baralaŭ u sutki, paviedamiła Reuters krynica, jakaja pracuje na mižnarodny handlovy dom.
Za apošni tydzień Saudaŭskaja Aravija praviała pieramovy z takimi tradycyjnymi pakupnikami Urals, jak finskaja Neste Oil, šviedski Preem, francuzskaja Total i azierbajdžanskaja dziaržaŭnaja SOCAR. Im było prapanavana kuplać arabskuju naftu pa «vielmi pryvabnych cenach», adznačyli krynicy Reuters.
Novyja cenavyja prapanovy Saudaŭskaj Aravii mohuć zacikavić navat takich tradycyjnych spažyŭcoŭ Urals, jak Biełaruś.
«My ŭžo daŭno pracujem u hetym kirunku … My z saudzitami ŭ Łondanie sustrakalisia … Ciapier ceny ŭ ich prosta vydatnyja», — paviedamiła Reuters krynica ŭ Biełarusi.
