Fota Nadziei Bužan
Pradpryjemstvy kancerna «Biellehpram» vypuścili bolš za 4,5 młn sanitarna-hihijeničnych masak, paviedamili BIEŁTA ŭ pres-słužbie «Biellehprama».
«U sutki vypuskajecca kala 300 tys. miedycynskich vyrabaŭ, što dazvalaje zakryć popyt unutry krainy. Ažyjatažnaha popytu na maski ŭ aptekach niama. Adnak pradpryjemstvy «Biellehprama» vytvorčaść miedycynskich vyrabaŭ nie spyniajuć, farmirujučy adekvatny stratehičny zapas», — adznačyli ŭ kancernie.
U asnoŭnym pradpryjemstvy vyrablajuć maski z bavoŭny, jany čatyrochsłajovyja, šmatrazovyja, ich možna sterylizavać.
Razam z hetym AAT «Miedlen» naładziła vypusk adnarazovych masak. Jany trochsłajovyja: vonkavy i nižni płasty vyrablajucca ź niatkanaha materyjału «SpanBieł» AAT «ŚvietłahorskChimvałakno», unutrany płast — bavaŭniany materyjał taksama biełaruskaj vytvorčaści TAA «Miedvatfarm».