Małhažata Kidava-Błońska, adna z apazicyjnych kandydataŭ na majučych adbycca prezidenckich vybarach u Polščy, abviaściła pra prypynieńnie vybarčaj kampanii. Kandydatka na pasadu prezidenta ad pravacentrysckaj «Hramadzianskaj kaalicyi» zaklikała ŭsich polskich hramadzian nie ŭdzielničać u vybarach 10 maja, paviedamlaje TVN.
Pieršy tur prezidenckich vybaraŭ u Polščy pavinien adbycca 10 maja. Apazicyja nieadnarazova patrabavała adkłaści hety termin z-za raspaŭsiudžvańnia karanavirusa.
Źviartajučysia da svaich apanientaŭ, Kidava-Błońska padkreśliła, što ciapier samy čas vyrazna i jasna skazać, što 10 maja prezidenckija vybary nie mohuć adbycca.
— Ja całkam prypyniła svaju kampaniju. Ja budu zajmacca tolki tym, što rabiła da hetaha času, heta značyć ja budu vykonvać zadačy, jakija stajać pierad polskim deputatam, — dadała jana.
«Jak nacyja, jak supolnaść, my sutyknulisia ź niebiaśpiekaj, jakaja źjaŭlajecca biesprecedentnaj u našaj niadaŭniaj historyi. Žyćcio, zdaroŭje i dabrabyt polek i palakaŭ znachodziacca pad pahrozaj. Siońnia ŭ Polščy niama inšaj zadačy, akramia jak zmahacca z epidemijaj i jaje nastupstvami», — napisała Kidava-Błońska.
Na jaje dumku, «u hetaj situacyi arhanizacyja prezidenckich vybaraŭ była b złačynstvam».
