Kiroŭca bietonamiašałki marki «KAMAZ» urezaŭsia ŭ «HAZ» na Partyzanskim praśpiekcie ŭ Minsku. U momant sutyknieńnia ŭ apošnim aŭto znachodziłasia čaćviora dziaciej, paviedamlaje DAI.
32-hadovy mužčyna za rulom «KAMAZ» jechaŭ pa praśpiekcie z boku vulicy Biechcierava ŭ bok vulicy Žyłunoviča ŭ pieršaj pałasie dla ruchu transpartu. Adbyłosia sutyknieńnie z «HAZ», jaki spyniŭsia ŭ toj samaj pałasie na čyrvony sihnał śviatłafora.
Ad udaru ab korpus inšaha transpartnaha srodku bietonamiašałka vyjechała za miežy prajeznaj častki.
U dziaciej surjoznych traŭmaŭ nie dyjahnastavali. Dla ahladu ŭ špital zabrali tolki adnaho ź ich.
0
0
0
0
0
0