Minčuki ŭ sakaviku radziej karystalisia mietro, čym u lutym. Pasažyrapatok u staličnaj padziemcy skaraciŭsia na 200 tysiač čałaviek u paraŭnańni ź minułym miesiacam. Pra heta karespandentu BiełTA paviedamiŭ pres-sakratar Minskaha mietrapalitena Andrej Drob.
Fota: Nadzieja Bužan
«U paraŭnańni ź lutym u sakaviku štodzionny pasažyrapatok źniziŭsia amal na 200 tysiač. Kali ŭ papiarednim miesiacy štodnia karystalisia mietro kala 800 tysiač čałaviek, ciapier heta kolkaść pamienšyłasia prykładna da 600 tysiač», — prakamientavaŭ Andrej Drob.
Pa słovach pres-sakratara, źnižeńnie pasažyrapatoku nijak nie paŭpłyvaje na pracu ruchomaha składu: ciahniki buduć chadzić u štatnym režymie. Tamu žychary stalicy, jakija karystajucca mietro, mohuć być upeŭnienyja ŭ jakasnym akazańni pasłuh.
