Samuju prestyžnuju ŭ siezonie viełahonku «Tur de Frans», mahčyma, pieraniasuć u Paŭdniovuju Kareju, dzie pandemija karanavirusa pajšła na spad. Pra heta paviedamlaje Le Point.
Pa infarmacyi vydańnia, arhanizatary pačali pieramovy z uładami Paŭdniovaj Karei. Hałoŭnaja tema pieramoŭ — zabieśpiačeńnie palicejskaha supravadžeńnia honki.
Płanujecca, što spabornictvy startujuć u Sieule, a prahramu viełašmatdzionki skarociać z troch tydniaŭ da dvuch.
Raniej arhanizatary «Tur de Frans» paviedamili, što prymuć kančatkovaje rašeńnie ab praviadzieńni honki da 15 maja. Pa słovach hienieralnaha dyrektara honki Kryścijana Prudoma, varyjanty z admienaj «Tur de Frans» abo praviadzieńnia jaho biez hledačoŭ nie razhladajucca.
Pieršapačatkova «Tur de Frans» była zapłanavanaja z 27 červienia pa 19 lipienia.
Pieršy raz honka prajšła ŭ 1903 hodzie i nie pravodziłasia ŭ časy dźviuch suśvietnych vojnaŭ.