U vychavaciela dziciačaha sadka i nastaŭnika siaredniaj škoły ŭ Frunzienskim rajonie Minska padazrajuć karanavirus. Pra heta ŭ redakcyju TUT.BY pišuć čytačy.
Karanavirusnuju infiekcyju padazrajuć u adnoj z vychavalnic dziciačaha sadka №398, paviedamlajuć baćki. Sad znachodzicca ŭ Frunzienskim rajonie Minska na vulicy Cimašenki.
— Siońnia ranicaj kala 7.30 nam patelefanavała druhaja vychavacielka i paprasiła nie vieści dziaciej u sad, bo ŭ jaje naparnicy vyjavili karanavirus.
Pa słovach baćkoŭ, apošni raz vychavacielka była na pracy ŭ piatnicu, 27 sakavika, paśla čaho jana pajšła na balničny.
— Vychodzić, našy dzieci — heta kantakty pieršaha ŭzroŭniu, a my — druhoha?
Naparnica ad kamientaroŭ admoviłasia: «Usie pytańni da našaha kiraŭnictva».
Zahadčyca dziciačaha sada Natalla Jaŭmienava taksama nie stała kamientavać situacyju.
— Usie pytańni — va ŭpraŭleńnie pa adukacyi dy sanstancyju, — kaža kiraŭnik ustanovy.
Na pytańnie, jakija miery zaraz prymajucca ŭ sadzie, jana adkazała: «Jakija ŭ nas mierapryjemstvy ŭ krainie prapisany — myć ruki i pravodzić dezynfiekcyju, takija my i robim».
U siaredniaj škole №179 na vulicy Laščynskaha ŭ Minsku, pa paviedamleńniach nastaŭnikaŭ, užo kala troch tydniaŭ chvareje na pnieŭmaniju kaleha, a taksama dva techničnyja rabotniki. Ale pra toje, što ŭ ich karanavirusnaja infiekcyja, nichto nie kazaŭ i nie paviedamlaŭ.
Adnak 1-ha krasavika nastaŭniki atrymali paviedamleńnie ad dyrektara z prośbaj pryjści ŭ nastaŭnickuju, zachapiŭšy z saboj asadki, i napisać zajavy, kab nie chadzić na pracu da paniadziełka.
— Z čaho b raptam nam pisać zajavy z-za pnieŭmanii ŭ kalehi?
Dyrektar škoły Jaŭhienija Kacar raspaviała, što škoła pracuje ŭ štatnym režymie, a infarmacyjaj pra vypadki zachvorvańnia jana nie vałodaje.
Datelefanavacca va ŭpraŭleńnie pa adukacyi Frunzienskaha rajona i atrymać kamientar nie ŭdałosia.