U kanduktarki aŭtaparka №17 u Stoŭbcach znajšli karanavirus, jana ciapier znachodzicca ŭ balnicy ŭ Vałožynie, piša «Radyjo Svaboda».
Pra heta stała viadoma ŭ niadzielu, paviedamiŭ hiendyrektar «Minabłaŭtatransa» Uładzimir Fiedarovič.
«Naohuł u sistemie «Minabłaŭtatransa» heta adziny vypadak. Tak atrymałasia z supracoŭnikam u Stoŭbcach. Ciapier vyznačajucca kantakty 1-ha i 2-ha ŭzroŭniaŭ», — skazaŭ jon.
U samim aŭtaparku skazali, što kanduktarki niama na pracy ciaham čatyroch dzion, spačatku jana trapiła ŭ reanimacyju, ciapier siabie adčuvaje lepš. Pavodle infarmacyi ad miascovych žycharoŭ, žančyna pracavała kanduktaram na troch maršrutach hramadskaha transpartu.
0
0
0
0
0
0
