Fota Nadziei Bužan
Pryščepki doma rabić nielha, pakul rekamiendujecca ŭstrymacca ad pieršych pryščepak dzieciam. Pra heta paviedamiła hałoŭny śpiecyjalist adździeła dapamohi maci i dzieciam Ministerstva achovy zdaroŭja Taćciana Burdź siońnia ŭ čas strymu, pieradaje BiełTA.
«Nakont taho, ci možna zrabić pryščepki doma — adnaznačna nie. Jany robiacca tolki ŭ pryščepačnych kabinietach, heta ahavorana dziejučymi sanitarnymi normami i praviłami, pryščepačnyja kabiniety raźmieščanyja va ŭstanovach achovy zdaroŭja», — padkreśliła Taćciana Burdź.
Adkazvajučy na pytańnie z nahody pryščepki dvuchmiesiačnamu dziciaci, jana adznačyła, što pakul Ministerstva achovy zdaroŭja rekamienduje ŭstrymacca ad pieršych pryščepak. Potym dzicia budzie pryščepleny pa indyvidualnym płanie i takim čynam možna budzie nahnać vakcynacyju, patłumačyła pradstaŭnik Ministerstva achovy zdaroŭja.
