Urad padrychtavaŭ kompleksny prajekt ukaza «Ab padtrymcy ekanomiki», jaki ŭ tym liku praduhledžvaje adterminoŭku pa arendzie, paviedamlaje interfax.by.
Jak paviedamiŭ Dziaržkamitet pa majomaści (DKM) u prajekt ukaza, u pryvatnaści, uklučany prapanovy kamiteta pa padtrymcy arandataraŭ u tych halinach, jakija adčuli najbolš mocny ŭpłyŭ epidemijałahičnaj situacyi (turystyčnyja i transpartnyja pasłuhi, haściničny i sanatorny biźnies, hramadskaje charčavańnie, bytavyja pasłuhi).
Normy prajekta raspaŭsiudžvajucca na arandataraŭ nieruchomaści, jakaja znachodzicca ŭ dziaržaŭnaj ułasnaści.
Prajektam ukaza praduhledžvajecca adterminoŭka da 30 vieraśnia 2020 hoda pa apłacie arendnaj płaty za karystańnie takoj majomaściu (kampiensacyi raschodaŭ, źviazanych z utrymańniem i ekspłuatacyjaj hetaj majomaści) z rasterminoŭkaj vypłaty pa 31 śniežnia 2020 hoda.
Dla arendadaŭcaŭ płanujecca ŭstanavić na anałahičny termin adterminoŭku vykanańnia abaviazacielstvaŭ u dačynieńni da arendnaj płaty za ziamlu, padatku na ziamlu, padatku na nieruchomaść.
U metach niedapuščeńnia rostu arendnaj płaty ŭ suviazi z pavieličeńniem bazavaj arendnaj vieličyni prajektam ukaza z 1 krasavika 2020 hoda ŭvodzicca maratoryj na pavieličeńnie bazavaj arendnaj vieličyni i arendnaj płaty na termin da 30 vieraśnia 2020 hoda.
