Znakamity biełaruski opierny śpiavak Viktar Hurjeŭ pamior 22 krasavika na 94-m hodzie žyćcia. Pra heta TUT.BY paviedamili ŭ Nacyjanalnym teatry opiery i baleta.
Viktar Hurjeŭ. Fota: archiŭ Nacyjanalnaha teatra opiery i baleta Biełarusi
Viktar Hurjeŭ naradziŭsia 11 žniŭnia 1926 hoda na Žytomirščynie (Ukraina). Ratujučysia ad hoładu i halečy, siamja Hurjevych (u budučaha śpievaka było 11 bratoŭ i siaścior) pierajechała na Danbas. Baćka pracavaŭ na šachcie. Mienavita tam Viktar upieršyniu vyjšaŭ na scenu ŭ składzie siamiejnaha choru.
Padčas vajny Viktara sahnali ŭ Niamieččynu, jon pracavaŭ na zavodzie ŭ štampovačnym cechu. Paśla vyzvaleńnia prajšoŭ pravierku śpiecsłužbaŭ i byŭ pryzvany ŭ armiju. Słužyŭ na terytoryi Hiermanii ŭ muzyčnym uzvodzie. Paśla demabilizacyi skončyŭ Žytomirskaje muzyčnaje vučylišča i Biełaruskuju kansiervatoryju ŭ Minsku.
Viktar Hurjeŭ ŭ roli Chaze. Fota: archiŭ Nacyjanalnaha teatra opiery i baleta Biełarusi
U 1960-1992 hadach źjaŭlaŭsia salistam Teatra opiery i baleta, atrymaŭ zvańnie «Zasłužanaha artysta Respubliki Biełaruś». Vykanaŭ bolš za 50 rolaŭ. Siarod ich Kavaradosi («Toska»), Chaze («Karmen»), Ateła ŭ adnajmiennaj opiery, Hierman («Pikavaja dama») i inšyja.
Viktar Hurjeŭ źjaŭlajecca zasnavalnikam biełaruskaj teatralnaj dynastyi. Jaho syn Anatol Hurjeŭ — viadučy majstar sceny ŭ Teatry-studyi kinaakciora, dačka Hanna Hurjeva — opiernaja śpiavačka, salistka Nacyjanalnaha teatra opiery i baleta.
Raźvitańnie ź Viktaram Hurjevym adbudziecca 24 krasavika z 12-j da 13-j hadziny ŭ rytualnaj zale pa adrasie Minsk, vulica Siamaški, 8/5.
