Biełaruś dasiahnuła damoŭlenaści z Polščaj ab mahčymaści reviersnaj prapampoŭki nafty pa adnoj z halinak naftapravoda «Družba» ź jaje terytoryi na Mazyrski NPZ. Viadziecca padrychtoŭka adpaviednych kantraktaŭ na pastaŭku nafty praz port Hdańska, paviedamiła «Interfaks-Zachad» krynica ŭ naftavaj śfiery.
«Techničnaja hatoŭnaść da pačatku prapampoŭki nafty praktyčna zabiaśpiečana, damoŭlenaści z polskim bokam dasiahnuty. U mai trubapravodnaja sistema Biełarusi hatovaja budzie prymać naftu z terytoryi Polščy», — skazaŭ surazmoŭca.
Miž tym, pačatak praktyčnaj pastaŭki nafty na Mazyrski NPZ z terytoryi Polščy «zaležyć ad kantraktaŭ, u mai jana naŭrad ci pačniecca, płan užo źviarstany», — paviedamiła krynica.
Pavodle jaho słoŭ, praktyčnuju realizacyju prajekta ŭskładniaje pandemija karanavirusa, bo «abciažarvajecca kamunikacyja».
Surazmoŭca hetaksama adznačyŭ, što «na pieršym etapie pastaŭki nafty z terytoryi Polščy pa «trubie» mohuć skłaści paradku 100 tys. ton u miesiac».
Jak paviedamlałasia, Ministerstva antymanapolnaha rehulavańnia i handlu (MARH) Biełarusi zaćvierdziła taryf na prapampoŭku nafty z terytoryi Polščy pa naftapravodzie «Družba» da Mazyrskaha NPZ.
U adpaviednaści z pastanovaj taryf na prapampoŭku adnoj tony nafty ad punkta «Adamava Zastava» (terytoryja Polščy) da Mazyrskaha NPZ składaje Br8,58 (biez PDV) pry raźlikach u biełaruskich rublach, pry raźlikach u zamiežnaj valucie taryf składaje 3,56 jeŭra.
