«Zachvareła siastra. Simptomy karanavirusa dakładnyja, jak u encykłapiedyi, — piša čytačka «Našaj Nivy» ź Minska Łasicha. — 38.9 pieršy tydzień, potym prapali pachi i smak. Źjaviŭsia kašal suchi, stała cisnuć u hrudziach…
Lekarka prapisała antybijotyki. Paśla ich lepš nie stała. Tempieratura źmienšyłasia da 37,5, i vielmi pahany stan. Druhaja sustreča z doktarkaj: treba PAJŚCI zdać analizy i ŭ kabiniet da doktara. Siastra vymušana pajšła. Kolkich u čarzie zaraziła?
U toj samy dzień druhi raz, pierchajučy, siadzieła ŭ čarzie pad kabinietam doktara, jaki daŭ nakiravańnie na renthien. Pakul zrabiła renthien, kabiniet lekarki začyniŭsia, chacia čas pryjomu nie skončyŭsia. Kidałasia va ŭsie kabiniety, a tam kažuć: «zaŭtra daznajeciesia pra svoj renthien». Dajšła da zahadčycy palikliniki. Taja hlanuła — i vyzvała «chutkuju». Tolki a 22-j viečara trapiła ŭ pałatu, dzie ŭžo pakutavali try žančyny ź pnieŭmanijaj, usie biez masak. Antysieptyku niama. Miedsiostry biez admysłovaha adzieńnia, i daktary — taksama. Heta 2-ja balnica ŭ Minsku. Doktara dasyłała paliklinika №19. Daj Boža, kab viarnułasia žyvoj», — piša čytačka.
Jana prosić pastavić elemientarnyja pytańni. Ci nielha choć u vialikich haradach prydumać takuju schiemu, kab ludzi ź simptomami karanavirusa nie stajali ŭ ahulnych čerhach u paliklinikach?
