Alaksandr Łukašenka 24 krasavika padpisaŭ ukaz №143 «Ab padtrymcy ekanomiki», paviedamlaje BiełTA.
Ukazam praduhledžvajucca miery padtrymki subjektaŭ haspadarańnia asobnych halin ekanomiki, najbolš schilnych da niespryjalnaha ŭździejańnia epidemijałahičnaj situacyi.
U śfiery padatkaabkładańnia
Zhodna z dakumientam, dajecca adterminoŭka i rasterminoŭka vypłaty padatkovych kredytaŭ, skaročany termin viartańnia ź biudžetu roźnicy pamiž sumaj padatkovych vylikaŭ i ahulnaj sumaj PDV. Indyvidualnym pradprymalnikam dajecca mahčymaść pierachodu na inšyja režymy padatkaabkładańnia i pieraraźliku adzinaha padatku ŭ suviazi z časovym nieažyćciaŭleńniem imi dziejnaści.
Uvodziacca arendnyja vakacyi, maratoryj na pavieličeńnie bazavaj arendnaj vieličyni i arendnaj płaty. Akramia taho, dajecca prava miascovym rasparadčym i vykanaŭčym orhanam pamianšać majomasnyja padatki. Jurydyčnym asobam i indyvidualnym pradprymalnikam — ułaśnikam majomaści — rekamiendavana davać arandataram adterminoŭku pa apłacie arendnaj płaty, a taksama źmianšać jaje pamier z ulikam abjomu ich vyručki.
Abrany arhanizacyjaj paradak padatkovaha ŭliku kursavych roźnic moža być źmienieny adnakratna na praciahu 2020 hoda i budzie dziejničać na praciahu ŭsiaho padatkovaha pieryjadu.
U vobłaści kantrolnaj dziejnaści
Ministram achovy zdaroŭja, antymanapolnaha rehulavańnia i handlu, a taksama staršyni Dziaržaŭnaha kamiteta pa standartyzacyi dadziena prava spyniać pracu handlovaha abjekta, abjekta hramadskaha charčavańnia da likvidacyi parušeńniaŭ (ale nie bolš čym na 90 dzion) u vypadku vyjaŭleńnia pa vynikach pravierki parušeńniaŭ zakanadaŭstva, kantrol za vykanańniem jakoha adnosicca da kampietencyi adpaviednaha viedamstva. Hetaja miera nakiravana na pavyšeńnie dyscypliny ŭ rabocie subjektaŭ haspadarańnia, asabliva nieabchodnaj va ŭmovach biahučaj ekanamičnaj i epidemijałahičnaj situacyi.
U śfiery pracoŭnych adnosin
U metach zachavańnia zaniataści i pavieličeńnia pracoŭnaj mabilnaści skaročany minimalny termin papiaredžańnia rabotnikaŭ ab źmienie najmalnikam istotnych umoŭ pracy (biez pamianšeńnia pamieraŭ apłaty pracy). Taksama padoŭžany da 3 miesiacaŭ termin mahčymaha časovaha pieravodu rabotnikaŭ u suviazi z vytvorčaj nieabchodnaściu, z-za niespryjalnaha ŭździejańnia epidemijałahičnaj situacyi, a taksama dla zamiaščeńnia adsutnaha rabotnika.
Miery sacyjalnaj padtrymki
Praduhledžana vypłata dapamohi pa časovaj niepracazdolnaści asobam, jakija ažyćciaŭlajuć dohlad dziciaci va ŭzroście da 10 hadoŭ, jakija naviedvajuć daškolnuju ŭstanovu abo ŭstanovu ahulnaj siaredniaj adukacyi, kali hetaje dzicia adnosicca da kantaktaŭ pieršaha abo druhoha ŭzroŭniu.
U metach spraščeńnia pracedur zakupak zakazčykam dadziena prava na dziaržzakupki z adnoj krynicy (u abjomie, nieabchodnym dla zabieśpiačeńnia patrebnaści na praciahu 2 miesiacaŭ) u vypadku, kali dahavor z raniejšym pastaŭščykom skasavany.
Pry hetym pastaŭščyki, jakija nie vykanali svaje abaviazacielstvy i vymušanyja skasavać damovu pa abjektyŭnych pryčynach, časova nie buduć uklučacca ŭ śpis niadobrasumlennych pastaŭščykoŭ.
Dla taho, kab urad moh apieratyŭna i hnutka reahavać na paharšeńnie epidemijałahičnaj situacyi, jamu dadziena prava na pryniaćcie śpiecyjalnaha časovaha paradku ažyćciaŭleńnia dziaržaŭnych zakupak, kali heta spatrebicca.
Vyznačana, što zapazyčanaść za enerharesursy ŭ zamiežnaj valucie pahašajecca pa kursie rubla, ustanoŭlenym Nacyjanalnym bankam na 31 śniežnia 2019 hoda da zamiežnaj valuty, jakaja vykarystoŭvajecca dla raźlikaŭ za enierharesursy.
Praduhledžvajecca raspaŭsiudžvańnie normy ab padstavach subsidyjarnaj adkaznaści, ustanoŭlenaj u padpunkcie 5.6 punkta 5 dekreta №7 ad 23 listapada 2017 hoda «Ab raźvićci pradprymalnictva», na adnosiny, jakija ŭźnikli da pryniaćcia dekreta.
Ukazam praduhledžvajucca i inšyja normy i pałažeńni.
