Alaksandr Łukašenka zapatrabavaŭ ad rehijonaŭ nie prasić hrošy, a prapracoŭvać rynki dla zbytu vyrablenaj pradukcyi, sa spasyłkaj na pres-słužbu prezidenta paviedamlaje TUT.BY. Siońnia kiraŭnik dziaržavy znachodzicca ŭ rabočaj pajezdcy ŭ Naraŭlanskim rajonie, dzie pahladzieŭ, jak prasoŭvajucca palavyja raboty.
Fota pres-słužby prezidenta
«Kali vy vyjdziecie choć by ŭ nul? Ty navat nie dumaj, što my pavinny ŭ siłu niejkich psichozaŭ abo pandemij, epidemij skaracić vytvorčaść. Heta vyklučana. Inšaha nie dadziena. Kali vy budziecie siadzieć: «Voś pandemija, dajcie nam hrošaj»… nichto nie daść — heta pachavać hrošy. Vy prapracoŭvajcie rynki pa ŭsich napramkach — pačynajučy ad farforavaha zavoda i zakančvajučy «Homsielmašam», — zajaviŭ Łukašenka.
Hubiernatar Homielskaj vobłaści Hienadź Sałaviej rastłumačyŭ, što ŭsie prablemy ŭ asnoŭnym datyčacca ekspartnych pastavak, jakija paśla ŭsplosku pandemii byli spynienyja z-za zakryćcia miežaŭ u inšych krainach. Zaraz pradpryjemstvy pracujuć na ŭnutrany rynak.
Prezident zajaviŭ, što rehijony pavinny aryjentavacca «na prapracoŭku rynkaŭ dla zbytu vyrablenaj pradukcyi».
«Damaŭlajciesia, kali adnovicca ŭsia łahistyka i zapracujuć susiedzi. Kali ŭ vas buduć kantrakty na pastaŭku paśla pandemii, my budziem dumać, jak vam dapamahčy», — skazaŭ prezident.
