Pramysłovyja koły Minska abmiarkoŭvajuć niečakanuju śmierć hałoŭnaha mietałurha MAZ, 53-hadovaha Alaksandra Skibara.
Viadoma, što pierad tym jon lažaŭ u 6-m špitali stalicy.
MAZ, fota Maksima Safaniuka, Shutterstock.com
«Stanoŭčy test [na karanavirus] u jaho byŭ paru tydniaŭ tamu. Pamior jon siońnia, uskryćcio budzie tolki zaŭtra. Tamu daviedki, što pryčyna śmierci — karanavirus, niama.
Nie viedaju, što budzie napisana ŭ paśviedčańni, ale pa telefonie skazali, što pamior ad sardečnaj niedastatkovaści.
Pra chraničnyja chvaroby mnie nieviadoma. Dzie b jon moh zarazicca, nieviadoma. Jon nikudy nie vylataŭ, u nas nie było kantaktaŭ ź ludźmi, u jakich my mahli b padazravać karanavirus», — skazała «Našaj Nivie» svajačka pamierłaha.
Skibar nie byŭ publičnym čałaviekam, u internecie niama jaho zdymkaŭ. Kalehi pra jaho adhukajucca dobra — u cechu, jakim jon kiravaŭ, ludzi pracujuć cełymi dynastyjami.
