26 krasavika ŭ Bieraści prajšła akcyja praciŭnikaŭ akumulatarnaha zavodu, pieradaje «Radyjo Svaboda». Troje ź lidaraŭ aktyvistaŭ znachodziacca za kratami. Zavod abiacajuć zapuścić u najbližejšyja miesiacy.
Na mitynh na hałoŭnaj płoščy i šeście praz centr horada pryjšło, pavodle naziralnikaŭ, kala 240 čałaviek. Na kolkaść udzielnikaŭ pratestu admoŭna paŭpłyvała situacyja z karanavirusam, ličyć pravaabaronca Raman Kiślak.
Padčas šeścia ŭdzielniki akcyi pratestu skandavali ŭ tym liku palityčnyja łozunhi, skiravanyja ŭ adras kiraŭnika krainy Alaksandra Łukašenki i bieraściejskich čynoŭnikaŭ.
Niekatoryja z pratestoŭcaŭ u žyvym efiry «Svabody» adznačyli, što nie daviarajuć aficyjnym ličbam kolkaści chvorych i pamierłych. A akumulatarny zavod la Bieraścia ličać nie mienšaj pahrozaj dla žycharoŭ horadu, čym epidemiju COVID-19.
