U Łaŭry, jakaja znachodzicca na karancinie, zarazilisia karanavirusam kala 150-200 čałaviek, u tym liku nastajaciel. Pamierli troje. Pra heta piša rbc.ru.
U Kijeva-Piačerskaj łaŭry, jakaja znachodzicca ŭ padparadkavańni Ukrainskaj Pravasłaŭnaj Carkvy Maskoŭskaha patryjarchatu (UPC MP), zarazilisia karanavirusam usie śviatary. Taksama zachvareli manachi, vykładčyki i studenty Kijeŭskaj duchoŭnaj akademii — jana znachodzicca na terytoryi Łaŭry, — usiaho kala 150—200 čałaviek, raspavioŭ RBK kiraŭnik infarmacyjna-aśvietnickaha ŭpraŭleńnia UPC MP mitrapalit Klimient.
Pa słovach mitrapalita Klimienta, ciapier užo bolšaść klirykaŭ idzie na papraŭku. Pamierli ad karanavirusa troje čałaviek, dadaŭ jon.
U Kijeva-Piačerskaj łaŭry ŭžo try tydni dziejničaje karancin — jaho ŭviali 5 krasavika paśla vyjaŭleńnia pieršych chvorych. 12 krasavika ŭ Alaksandraŭskuju balnicu Kijeva — mienavita tudy pryvoziać bolšuju častku pacyjentaŭ, chvorych na karanavirus, — byŭ špitalizavany nastajaciel łaŭry mitrapalit Pavieł. Ciapier jaho ŭžo vypisali ź lakarni, jon zdarovy, skazaŭ RBK mitrapalit Klimient.
