Pavodle Suśvietnaj mietryki pa stanie na ranicu 27 krasavika (8.00 pa Minsku, na zachodnim uźbiarežžy ZŠA i Kanadzie 26 krasavika jašče nie skončyłasia), u śviecie zarehistravanyja 2 młn 995 vypadkaŭ karanavirusa, pamierli 207 tysiač čałaviek.
ZŠA absalutny lidar, tam usiaho zafiksavana 987 tysiač vypadkaŭ karanavirusa, a pamierli 55 400 čałaviek, pryčym u štacie Ńju-Jork chvoryja amal 294 tysiačy, a Ńju-Džersi — 109 tysiač. Kali b štat Ńju-Džersi byŭ asobnaj krainaj (a tam žyvie 20 miljonaŭ), to heta była b 8-ja pazicyja ŭ śviecie. Vyšej tolki ZŠA, Ispanija (226 tysiač), Italija (197 tysiač), Francyja (162 tysiačy), Niamieččyna (157), Vialikabrytanija (152,8), Turcyja (110 tysiač).
Na niadzielu zafiksavana 73 858 novych vypadkaŭ (u subotu — 90 722).
Za niadzielu zafiksavana 3751 śmierć, ale na vychadnych vypadkaŭ zaŭsiody mieniej za košt asablivaści praviadzieńnia testaŭ.
