Stała viadoma, što i miedyki Połackaj stancyi chutkaj dapamohi skardzilisia ŭ Administracyju prezidenta z pryčyny niapravilna, na ich dumku, naličanych premij za rabotu z pacyjentami z karanavirusam.
Pra heta paviedamlaje telehram-kanał HARBACEVIČ.
Jak stała viadoma «Našaj Nivie», taki zvarot sapraŭdy byŭ — miedyki padpisalisia pad listom, sens jakoha zvodziŭsia da taho, što jany nie adčuli abiacanych nadbavak za rabotu z karanavirusam.
Ilustracyjnaje fota Nadziei Bužan
Dalej pryvodzim historyju sa słovaŭ hałoŭnaha doktara Połackaj centralnaj haradskoj balnicy Alaksandra Stomy:
«Jany traktavali sa svajho hledzišča ŭkaz, pryjechała kamisija, była sustreča sa staršynioj vykanaŭčaha kamiteta, kamisija z upraŭleńnia [achovy zdaroŭja], im patłumačyli, dali adkazy na ŭsie pytańni, što ich cikavili. Usio było naličana pravilna, što było naležna — im zapłacili, zhodna z zakanadaŭstvam. Vypłačany pravilna zarobak. Jany [rabotniki chutkaj] potym adzvanilisia kiraŭniku Savieta Respubliki [Natalli Kačanavaj] i skazali, što pytańnie źniataje», — skazaŭ Alaksandr Stoma.
Nahadajem, padobnaja historyja ŭ Babrujsku skončyłasia skandałam.
Čytajcie: U Babrujsku miedyki chutkaj sarvali zdymki siužeta BT ab nadbaŭkach i arhanizavali stychijny mitynh VIDEA
Čytajcie: Paśla stychijnaha mitynhu miedykaŭ pazbaviŭsia pasady hałoŭny doktar Babrujskaj stancyi chutkaj dapamohi
