Tytułavanaja biełaruskaja viaślarka Marharyta Machnieva ŭ razmovie z karespandentam «Presboła» Siarhiejem Ščurko pryznałasia, što nie viedaje i nie razumieje biełaruskuju movu.
— Ja nie viedaju biełaruskuju movu i nie razumieju jaje. Uspaminaju papiarednija vybary, jak adna žančyna kazała, što ŭ nas usio budzie na biełaruskaj. I ja dumaju: nu jak ža tak, kali ŭvieś narod razmaŭlaje na ruskaj?..
— Ź inšaha boku, niejak haniebna biełarusu nie viedać ułasnuju movu.
— Vakoł mianie ŭsie razmaŭlali pa-rusku. Moža, mama nie kazała, što ja pavinna jaje sapraŭdy dobra viedać. Tolki: «Dačka, treba vučyć». Ja vučyła, ale nie razumieła.
— Ničoha, moža, vaš syn Marsel złomić hetuju tradycyju.
— Viadoma, u škole Marsel budzie jaje vyvučać. Pytańnie ŭ inšym. Kali skažuć vyvučyć biełaruskuju movu, ja vyvuču, ale ci jość u hetym nieabchodnaść? My ŭsie razmaŭlajem na ruskaj, i nie zusim zrazumieła, navošta my pavinny jaje viedać. Kamu jana patrebnaja? Mahčyma, tolki nam. Napeŭna, mianie nie krasić, kali ja, biełaruska, tak kažu pra rodnuju movu…
— Kali ščyra, nie vielmi.
Ja hetym zusim nie hanarusia, ale nie baču ničoha drennaha ŭ tym, što nie viedaju biełaruskaj. I što, stanu bolš ščaślivaj, kali pačnu na joj razmaŭlać? Chutčej heta budzie plusam da majho intelektu.
— Zabyŭšysia rodnuju movu, my stracim siabie.
— Praŭda ŭ hetym jość, ale ekanomika krainy lepš ad hetaha nie stanie. Prosta treba dać čałavieku vybar.
Machnieva taksama dadała, što navat kali b kahości [z kandydataŭ] viedała pa vystupach u televizary, usio roŭna prahałasavała b za «našaha prezidenta».
— Tamu što jon sport lubić?
— Nie, prosta kožny dumaje, što mienavita pry im budzie lepš. Ale ŭsie jany hłyboka pamylajucca. Jakraz-taki z Łukašenkam u nas toje, što treba.
