Simpatyčnyja prychadžanki ŭ manastyry na sustrečy z Łukašenkam, fota BiełTA
Ab hetym kiraŭnik dziaržavy raskazaŭ u čas razmovy z prychadžanami Śviata-Nikolskaha žanočaha manastyra ŭ Mahilovie, piša SB.
Jon nahadaŭ, što epidemijałahičny praces na Mahiloŭščynie pačaŭsia paźniej, čym u inšych rehijonach, adnak situacyja ŭ rehijonie składvajecca całkam ščaśliva:
— Vas vyratavała toje, što virus užo nie toj, jon asłabieŭ, — adznačyŭ kiraŭnik dziaržavy. — Navat kali jość zachvorvańnie, to ŭžo ŭ lohkaj formie.
Alaksandr Łukašenka padkreśliŭ pravilnaść abranaha ŭ Biełarusi šlachu baraćby z zachvorvańniem biez uvodu ŭsieahulnaha karancinu. Razam z tym jon zaklikaŭ ludziej być akuratnymi, vykonvać nieabchodnyja zaściarohi, bolš pravodzić času na śviežym pavietry:
— My pavinny pryhoža prajści hety pieryjad i pieramahčy čatyry-piać pandemij, jakija siońnia błukajuć pa našaj krainie — u halinie achovy zdaroŭja, palityki, ekanomiki, infapandemiju. My ich pieraadolejem. Nie takija prablemy pieraadolvali.
Pa stanie na ranicu 6 červienia, u Biełarusi zafiksavany 47 751 vypadak karanavirusa, heta 9-je miesca ŭ Jeŭropie. Pryčym z 6 pa 29 maja kožny dzień dadavałasia bolš za 900 vypadkaŭ, i tolki z 30 maja ich stała fiksavacca mienš za 900.
