Takoje rašeńnie było pryniata siońnia, 19 červienia, na pasiadžeńni Babrujskaha harvykankama, piša komkur.info.
Ciapier u hramadskich miescach — kramach, aptekach, adździaleńniach bankaŭ, suviazi, pošty, vakzałach, hramadskim transparcie i inšych abjektach, dzie niemahčyma zabiaśpiečyć sacyjalnaje dystancyjavańnie — usie pavinny znachodzicca ŭ maskach! Jak paviedamiŭ nam hałoŭny sanitarny doktar Babrujska Dźmitryj Mikałajevič Łajter, praduhledžany i inšyja miery prafiłaktyki virusnych infiekcyj.
Vyrašana:
— Uvieści masačny režym u arhanizacyjach i ŭstanovach horada, zabiaśpiečyć źmienu vykarystanych masak kožnyja dźvie-try hadziny.
— Uvieści abmiežavańnie kolkaści adnačasovych naviedvalnikaŭ u handlovych abjektach (lubych), abjektach hramadskaha charčavańnia, aptekach, adździaleńniach bankaŭ, suviazi, pošty i inšych abjektach, z ulikam nieabchodnaści vykanańnia mier sacyjalnaha dystancyjavańnia u zaležnaści ad płoščy pamiaškańnia.
— Rekamiendavać ustalavać prazrystyja ekrany na pracoŭnych miescach kantraloraŭ-kasiraŭ i pradaŭcoŭ u vuzłach raźliku, abo zabiaśpiečyć ich achoŭnymi ščytkami.
— Uvieści ŭ režym pracy handlovych abjektaŭ (jak charčovaj, tak i niecharčovaj hrupy), abjektaŭ hramadskaha charčavańnia, bytavoha absłuhoŭvańnia, aptek, bankaŭ, adździaleńniaŭ pošty i inšych abjektaŭ techničnyja pierapynki (sanitarnaja hadzina) dla pravietryvańnia i praviadzieńnia čystki pamiaškańniaŭ z vykarystańniem dezinfiekcyjnych srodkaŭ.
— U miescach adpačynku nasielnictva kala vady zabiaśpiečyć dadatkovuju štodzionnuju ŭborku i dezinfiekcyju pa virulicydnym režymie (heta taki režym apracoŭki, jaki źniščaje virusy) małych architekturnych form, kabin dla pieraapranańnia, łavak i inšaha abstalavańnia.
Rašeńnie dziejničaje z 19 červienia da admieny (z ulikam epidemijałahičnaha stanovišča).
