Niesankcyjanavanyja akcyi «arhanizavanyja i spłanavanyja» štabami dvuch palitykaŭ, jakim było admoŭlena ŭ rehistracyi kandydatami na pasadu prezidenta, — Viktara Babaryki i Valeryja Capkały, zajaviła RIA Novosti ŭ sieradu kiraŭnik Centrvybarkama Lidzija Jarmošyna.
«Ja adrazu ž mahu skazać, što hetyja akcyi ŭsie arhanizavanyja i spłanavanyja pierš za ŭsio tymi samymi pieradvybarnymi štabami pretendentaŭ na hetu pasadu», — zajaviła kiraŭnik CVK.
Pavodle jaje słoŭ, pra heta śviedčać zvaroty hramadzian, jakija ŭ sieradu masava padajucca ŭ Centralnuju kamisiju i ŭ jakich ahučana patrabavańnie zarehistravać kandydatami Babaryku i Capkału.
«Heta absalutna adnolkavyja i identyčnyja zajavy, raspaŭsiudžanyja praź internet, jany padajucca mienavita nakont admovy ŭ rehistracyi dvuch kandydataŭ. Tamu ja dumaju, što tut skaardynavanyja dziejańni», — skazała Jarmošyna.
Jana ličyć, što, pakolki ciapier u Biełarusi adpuskny i kanikularny pieryjad, i, akramia taho, značnaja častka nasielnictva nie moža vyjechać za miažu praz pandemiju karanavirusa COVID-19, «hetaje rassłablenaje asiarodździe spryjaje tamu, što vielmi šmat ludziej vypluchvajuć svaju ahresiju padobnym čynam».
