Łukašenka siońnia na naradzie raspavioŭ, što Biełaruś viadzie z Rasiejaj pieramovy ab refinansavańni 1 młrd dalaraŭ doŭhu, piša Tut.by.
— My damovilisia z prezidentam Rasiei, i siońnia naš premjer-ministr praviadzie pieramovy ź Michaiłam Mišuścinym (premjer-ministram Rasii) nakont refinansavańnia.
Jon udakładniŭ, što havorka idzie ab refinansavańni ŭ biahučym hodzie 1 młrd dalaraŭ z doŭhu pierad Rasijaj.
— Heta značyć, my ŭ siabie hety miljard dalaraŭ, damoviŭšysia z Rasiejaj, pakiniem. I heta budzie dobraje padmacavańnie našaj nacyjanalnaj valuty — kanstatavaŭ Łukašenka.
Pa jaho słovach, značnyja valutnyja pastupleńni čakajucca ad ekspartu: «Zaraz naš ekspart pajšoŭ niadrenna, asabliva ŭ RF, KNR. A ekspart — heta pastupleńnie valuty».
— My pieražyli hetyja vybary, my pieražyli zakliki da strajkaŭ (nie ŭdałosia ludziej padniać). My pieražyli blickryh na vulicach, kali jany 9-10-ha chacieli zadušyć krainu. My heta ŭsio pieražyli. Pieražyviem i heta, — aptymistyčna zajaviŭ Łukašenka.
Nahadajem, dziarždoŭh Biełarusi na 1 lipienia 2020 hoda skłaŭ 52,6 młrd rubloŭ, pavialičyŭšysia ŭ paraŭnańni z pačatkam hoda na 17,5%. Źniešni dziarždoŭh dasiahnuŭ 18 młrd dalaraŭ (pryrost na 5,3%).
