Premjer-ministry i ministry zamiežnych spraŭ Estonii, Łatvii i Litvy byli hatovyja padčas biełaruskaha ŭnutrypalityčnaha kryzisu prylacieć u Minsk, kab sustrecca jak z pradstaŭnikami ŭłady, tak i apazicyi, ale kancylaryja ŭrada i MZS Respubliki Biełaruś paličyli taki vizit niemahčymym, piša ERR.
20 žniŭnia ministr zamiežnych spraŭ Estonii Urmas Rejnsału patelefanavaŭ svajmu biełaruskamu kalehu Uładzimiru Makieju i prazandavaŭ hlebu dla mahčymaha vizitu premjer-ministraŭ i kiraŭnikoŭ MZS krain Bałtyi. Taksama z Talina źviazalisia z kancylaryjaj urada Respubliki Biełaruś.
«Tak, maja prapanova była ŭziać u pajezdku troch premjer-ministraŭ i troch ministraŭ zamiežnych spraŭ, — skazaŭ u intervju ERR premjer-ministr Estonii Jury Ratas. — My źviazalisia z MZS i kancylaryjaj ŭrada Respubliki Biełaruś. I nam pryjšoŭ adkaz, jak i ŭsim inšym kiraŭnikam krain Jeŭrasajuza, što kantaktavać z nami nie žadajuć».
