Mahčymyja vypadki nieabhruntavanaha prymianieńnia biełaruskimi supracoŭnikami pravaachoŭnych orhanaŭ siły ŭ dačynieńni da pratestoŭcaŭ pavinny raźbiracca ŭnutry hetaj krainy, Rasija nie budzie ŭmiešvacca ŭ hetaje pytańnie, zajaviŭ pres-sakratar prezidenta RF Dźmitryj Piaskoŭ, piša Interfaks.
«Kali padobnyja vypadki prymianieńnia nieabhruntavanaj siły mieli miesca, ale, napeŭna, heta pytańnie dla razhladu ŭnutry Biełarusi, unutry biełaruskich siłavikoŭ i pravaachoŭnikaŭ», — skazaŭ jon žurnalistam.
Pa słovach Piaskova, «heta nie moža być pytańniem Rasijskaj Fiederacyi».
«Prezident nikoli nie nazyvaje vypadki masavaha źbićcia strymanaj reakcyjaj, i prezident nikoli nie mieŭ hetaha na ŭvazie», — taksama zaŭvažyŭ Piaskoŭ.
Tak pres-sakratar prezidenta adkazaŭ na pytańnie, ci ličyć Pucin vypadki hvałtu i navat zabojstvaŭ pratestoŭcaŭ strymanaj reakcyjaj biełaruskich siłavikoŭ na padziei ŭ krainie.
