BiełTA
Pra heta jon zajaviŭ siońnia ŭ Oršy, piša BiełTA.
«Treba ŭcichamirycca, i im taksama, za miažoj, uziać hałavu ŭ ruki, supakoicca i padumać, u što moža pieratvarycca Jeŭropa, kali tut (u Biełarusi) pałychnie. Vy ž vydatna razumiejecie», — padkreśliŭ Łukašenka.
«Vy ŭčora čuli zajavu našaha susieda i majho dobraha siabra (Uładzimira Pucina pra rezierv rasijskich siłavikoŭ). Heta ž nie tamu, što rasijanie chočuć abaranić Biełaruś. Słuchajcie, sami abaronimsia. Ale my z prezidentam Rasii razumiejem, što moža być, kali my praziavajem», — adznačyŭ jon.
Pavodle jaho słoŭ, u hetym vypadku Biełaruś moža pieratvarycca ŭ teatr vajennych dziejańniaŭ, dzie «buduć vyrašacca nie našy pytańni». «Im (na Zachadzie) Biełaruś nie patrebna.
Biełaruś — heta tramplin, jak zvyčajna, u Rasiju.
Tolki nie tak, jak Hitler hrupu armij Centr kinuŭ na Maskvu.
Technałohii inšyja. Treba złamać hetuju ŭładu, jakaja jość, padsunuć inšuju, jakaja źvierniecca da zamiežnaj dziaržavy, kab uviali vojski i akazali padtrymku, — skazaŭ jon. — Im patrebny tut rynak, dzie jany buduć handlavać svajoj pradukcyjaj».
