Mikałaj Łukašenka zabraŭ dakumienty ź Liceja BDU. Supracoŭniki navučalnaj ustanovy paćvierdzili heta «Jeŭraradyjo» na ŭmovach ananimnaści.
U aficyjnym kamientary dyrektar Liceja BDU Ihar Varaksa nie paćvierdziŭ i nie abvierh nam hetuju infarmacyju.
«My nie kamientavali, kali pajšła infarmacyja, što Mikałaj Łukašenka nibyta źbirajecca ŭ nas vučycca. Adpaviedna, i ciapier niama sensu ŭ kamientavańni. U Licej jon pastupaŭ, dakumienty prynosiŭ. A što adbyvałasia dalej — tolki ŭ asabistym kabiniecie viadoma tym, chto pastupaŭ.
My nijakija vyniki [ispytaŭ] nie publikujem. U nas pastupała 1739 čałaviek, i my nie raspaviadajem ni pra kaho».
Uletku, kali skončyłasia ŭstupnaja kampanija ŭ Licej, źjaviłasia infarmacyja, što tudy pastupiŭ małodšy syn Alaksandra Łukašenki. Jon abraŭ kłas bijałahičnaha profilu.
