Kiraŭnik Mižnarodnaj fiederacyi chakieja Renie Fazel ličyć, što rana rabić vysnovy ab mahčymym pieranosie ČS-2021, piša TASS.
Čempijanat śvietu pavinien prajści ŭ Ryzie i Minsku z 21 maja da 6 červienia 2021 hoda. «U nas jość svaja misija, my — sport i nie zajmajemsia palitykaj. Sport abjadnoŭvaje ludziej, u 2014 hodzie ŭ Minsku prajšoŭ vielmi dobry čempijanat śvietu. My sočym za situacyjaj, pakul vielmi rana rabić niejkija vysnovy», — adznačyŭ Fazel.
Raniej premjer-ministr Łatvii Kryšjanis Karyńš paśla pazačarhovaha pasiadžeńnia ŭrada zajaviŭ, što Respublika pačnie pieramovy z IIHF ab mahčymaści praviadzieńnia turniru sumiesna ź inšaj krainaj u suviazi z napružanaj palityčnaj situacyjaj u Biełarusi paśla prezidenckich vybaraŭ. Premjer padkreśliŭ, što kali IIHF nie ŭchvalić pazicyju Łatvii i situacyja ŭ Biełarusi nie źmienicca, urad moža pryniać rašeńnie ab niemahčymaści arhanizavać turnir.
