Ułady Biełarusi nie zmahli damovicca ź Mižnarodnym valutnym fondam (MVF) na akazańnie ekstrannaha finansavańnia. Pra heta na bryfinhu dla žurnalistaŭ paviedamiŭ aficyjny pradstaŭnik MVF Džery Rajs, paviedamlaje TASS.
Pryčynaj dla zvarotu Minsk nazyvaŭ paharšeńnie hłabalnaj ekanamičnaj situacyi i pandemiju karanavirusa. Adnak u arhanizacyi admovilisia davać krainie hrošy, pakolki ekśpiertaŭ nie zadavoliła, jak u Biełarusi chočuć ich vydatkavać.
«My nie znajšli sposabaŭ pieraadoleć istotnyja roznahałośsi ŭ dačynieńni da naležnych mier reahavańnia na ciapierašnija ciažkaści», — ukazaŭ Rajs. Kali mienavita MVF paviedamiła ŭładam respubliki ab svaim rašeńni, jon nie ŭdakładniŭ.
Ale viadoma, što jašče ŭ sakaviku ŭrad i Nacyjanalny bank Biełarusi abmiarkoŭvali z MVF vyłučeńnie finansavaj padtrymki ŭ pamiery da $900 młn u suviazi z nastupstvami pandemii. Ministr finansaŭ Biełarusi Maksim Jermałovič taksama tady zajaŭlaŭ, što nie vyklučaje pryciahnieńnia Minskam ekstrannaha finansavańnia ad MVF.
Kryterami dapamohi źjaŭlalisia miery pa strymlivańni pandemii ŭ adpaviednaści z rekamiendacyjami Suśvietnaj arhanizacyi achovy zdaroŭja (SAAZ). Anałahičnyja patrabavańni pradjaŭlali ŭsim krainam, jakija chočuć atrymać dapamohu.
