Vydańni, jakija prapanujucca ŭ jaje ramkach, dazvalajuć krytyčna hlanuć na 17 vieraśnia 1939 hoda — padzieju, pra jakuju, zdavałasia b, my viedajem usio.
Niamiecki historyk Alaksandr Brakiel u knizie «Pad čyrvonaj zorkaj i svastykaj: Baranaviččyna ŭ 1939—1944 hh. Zachodniaja Biełaruś pad niamieckaj i savieckaj akupacyjaj» pakazvaje, što «ŭźjadnańnie» adbyłosia pad znakam brutalnaha parušeńnia mižnarodnaha prava, i tolki zakančeńnie Druhoj suśvietnaj vajny ŭ Jeŭropie lehitymizavała novy paradak.
Historyk i sacyjołah Sieviaryn Visłavuch daśledavaŭ raźvićcio biełaruskaha ruchu ŭ mižvajennaj Polščy jak vidavočca padziej, h.zn. u 1930-ch h. u chodzie palavych daśledavańniaŭ. U jaho daśledavańniach, jakija dahetul amal nieviadomyja biełaruskaj navucy, vy znojdziecca masu faktaŭ pra raźvićcio sietki biełaruskamoŭnych škoł u tahačasnaj Zachodniaj Biełarusi, a taksama palityčnych struktur biełaruskaha ruchu, u tym liku na terytoryi sučasnaj Litoŭskaj Respubliki.
Kniha «Katyń, 1940 hod. Historyja adnaho złačynstva» raskazvaje pra masavyja aryšty i zabojstvy, jakija nastupili adrazu paśla «vyzvalenčaha pachodu Čyrvonaj Armii».
U vypusku «Polšča ŭ Druhoj suśvietnaj vajnie» vy daviedajeciesia pra los biełarusaŭ, jakija słužyli ŭ Vojsku Polskim u vieraśni 1939 h., a taksama pra bai za Brest, Kobryn i h.d. u vieraśni 1939 h.
Vypusk «Zachodniaja Biełaruś. Mižvajenny pieryjad» - raskazvaje pra mižvajennaje Kreva, Lidu, Haradnuju, pra turystyku na Naračy, pra prajekty palityčnaj aŭtanomii, i h.d.
Narešcie, kniha «Savietyzacyja Zachodniaj Biełarusi (1944—1953 h.). Prapahanda i adukacyja na słužbie ideałohii» daje nam ujaŭleńnie ab tym, što novaja ŭładam nasadžałasia nie tolki hvałtam fizičnym (departacyjami, rasstrełami i h.d.), ale i hvałtam idejnym: rusifikacyjaj i savietyzacyjaj sistemy adukacyi i ŭjaŭleńniaŭ pra nacyjanalnaje minułaje.
Akcyja praciahniecca da 28 vieraśnia. Infarmacyja pra toje, jak atrymać zhadanyja vydańni, jość na sajcie Arche.
