U čaćvier dniom pierastała vychodzić na suviaź advakatka Ludmiła Kazak, jakaja abaraniaje Maryju Kaleśnikavu, paviedamiŭ TUT.BY advakat Viktar Mackievič.
— U 13:50 Ludmiła rasstałasia sa svajoj kalehaj, ź jakoj sustrakałasia na vuł. Kamunistyčnaj. Śpiašałasia na sudovaje pasiadžeńnie. U sud jana nie pryjechała. Mašyna pryparkavanaja na Kamunistyčnaj, začyniena, — paviedamiŭ Mackievič.
Muž Kazak padaje zajavu ab vykradańni čałavieka ŭ RUUS Centralnaha rajona, paviedamiŭ Mackievič.
— My z mužam Ludmiły ličym, što jaje źniknieńnie źviazana z prafiesijnaj dziejnaściu, — dadaŭ Mackievič.
Čytač «Našaj Nivy» paviedamiŭ nam pra zatrymańnie na Kamunistyčnaj. Mahčyma, heta i było zatrymańnie Kazak.
«U 13:50 nasuprać Kamunistyčnaj, 24, nieviadomyja zatrymali dziaŭčynu i pavieźli na mašynie Geely 8971 TA-7. Dziaŭčyna kryčała «Ratujcie!» šmat razoŭ».
Dapoŭniena: Advakatka Maryi Kaleśnikavaj Ludmiła Kazak zatrymanaja za administracyjnaje pravaparušeńnie i znachodzicca ŭ RUUS. Pra heta paviedamiła ahienctva TASS.
