Vidnyja litoŭskija dziejačy navuki i mastactva, siarod ich Tomas Viancłava, Oskaras Karšunovas, Juozas Budrajcis, Ehidzijus Aleksandravičus, Marjus Ivaškiavičus, Hintaŭtas Mažejkis napisali adkryty list prezydentu Francyi Emaniuelu Makronu napiaredadni jaho vizytu ŭ Litvu, piša Radyjo Svaboda.
«Pamiatajučy, ź jakoj ciažkaściu my sprabavali dahrukacca da zachodnieeŭrapiejskich stalicaŭ u 1990-ja, my napisali publičny list prezydentu Francyi Emaniuelu Makronu dziela svabody bratoŭ-biełarusaŭ, i vysłali list u Paryž napiaredadni jaho vizytu ŭ Litvu», — paviedamlaje ŭ Fejsbuku Darjus Kuolis, litoŭski kulturolah, hramadzki dziejač i palityk.
List padpisali 45 vidnych litoŭskich intelektuałaŭ, dziejačoŭ navuki i mastactva,
Mastak Stasis Ejdryhiavičus aformiŭ list u vyhladzie plakata.
Prezydentu Francuskaj Respubliki spadaru Emaniuelu Makronu Vilnia, 27 vieraśnia 2020 hodu
Spadar Prezydent,
U 1990 hodzie my, litoŭcy, jakija zmahalisia za svaju svabodu, uparta zaklikali da sumleńnia Francyi i Eŭropy. I narešcie my byli pačutyja.
Siońnia da Vašaha i našaha sumleńnia, da sumleńnia Eŭropy zaklikajuć našy braty i siostry biełarusy. Ich žančyny i mužčyny zaznajuć nialudzkija katavańni. I heta adbyvajecca ŭ Eŭropie XXI stahodździa!
My spadziajemsia, što Vy i svabodalubivaja Francyja pačujecie balučy kryk svabody ludziej Biełarusi.
Z pavahaj,
Litoŭskija piśmieńniki, mastaki, navukoŭcy
Nahadajem, što Emanuel Makron zajaviŭ u intervju Le Journal du Dimanche, što Łukašenku varta dobraachvotna syści sa svajoj pasady.