Fota Siarhieja Bałaja, Tut.by
U Minsku z pasłoŭ krain ES na ranicu 10 kastryčnika zastalisia tolki pasoł Aŭstryi i pasoł Italii, paviedamili TUT.BY krynicy. Astatnija jeŭrapiejskija pasły adklikany ŭ svaje stalicy dla kansultacyj.
Dypłamatyčny skandał uspychnuŭ 2 kastryčnika, kali MZS Biełarusi zapatrabavała dla pasolstvaŭ Polščy i Litvy ŭ našaj krainie skaracić kolkaść dypłamataŭ: u litoŭskaj ambasadzie zamiest 25 pavinna zastacca 14 dypłamataŭ, u polskaj — zamiest 50 pavinna zastacca 18. Taksama ŭ MZS Biełarusi rekamiendavali adklikać pasłoŭ Litvy i Polščy na radzimu dla kansultacyj.
Pasoł Polščy Artur Michalski i Litvy Andrus Pułokas pakinuli Biełaruś 5 kastryčnika. 9 kastryčnika MZS Polščy vykanała i patrabavańnie biełaruskaha boku i adklikała 32 polskich dypłamataŭ.
Pasłoŭ taksama adklikali Hiermanija, Łatvija, Estonija, Čechija, Bałharyja, Vialikabrytanija i Rumynija. Pra takija ža namiery paviedamili ŭ Słavakii.
9 kastryčnika kiraŭnik MZS Biełarusi Uładzimir Makiej pa telefonie abmierkavaŭ z Vysokim pradstaŭnikom ES pa zamiežnych spravach i palitycy biaśpieki Žazepam Barelem pierśpiektyvy adnosin pamiž Biełaruśsiu i ES.