Učora ŭ Homieli zatrymali Natallu Susłavu, kandydatku navuk i vykładčycu HDU. Pra heta «Mocnym Navinam» paviedamili znajomyja Natalli.
Susłava i jašče čatyry čałavieki znachodzilisia ŭ mašynie, jaje spyniła DAI. U aŭto byŭ bieł-čyrvona-bieły ściah i šaryki biełaha i čyrvonaha koleru:
— My prosta chacieli ich zapuścić, — raspavioŭ surazmoŭca. — Zatrymlivali DAI, potym pryjechali supracoŭniki RAUS u formie i ŭ cyvilnym.
Z usimi praviali prafiłaktyčnuju hutarku, a na Susłavu skłali pratakoł pavodle art 23.34 za ŭdzieł 20 vieraśnia ŭ maršy.
Siońnia ci zaŭtra pavinien adbycca sud nad Natallaj.
Nahadajem, 27 vieraśnia vykładčycu ŭžo zatrymlivali, tady joj dali 8 sutak za ŭdzieł u Maršy. Paśla ŭ intervju Susłava raspaviadała, što chadziła na mitynhi z 9 žniŭnia.