mil.by
Na palihonie Łośvida ŭ Viciebskaj vobłaści adbyłosia ŭračystaje adkryćcio kamandna-štabnoha vučeńnia ź miratvorčymi siłami ADKB «Nieparušnaje braterstva-2020», paviedamlaje Minabarony ŭ svaim telehram-kanale.
Tema vučeńnia — «Padrychtoŭka i viadzieńnie miratvorčaj apieracyi kalektyŭnymi miratvorčymi siłami ADKB».
U cyrymonii ŭziali ŭdzieł načalnik Hienštaba Uzbrojenych sił Biełarusi hienierał-major Alaksandr Volfavič, načalnik Abjadnanaha štaba ADKB hienierał-pałkoŭnik Anatol Sidaraŭ, namieśnik Hienieralnaha sakratara ADKB Piotr Cichanoŭski.
U vučeńni pad kiraŭnictvam kamandujučaha siłami śpiecyjalnych apieracyj Uzbrojenych Sił Biełarusi hienierał-majora Vadzima Dzienisienki ŭdzielničajuć kantynhienty dziaržaŭ — členaŭ ADKB, apieratyŭnyja hrupy Abjadnanaha štaba i Sakrataryjata ADKB, palicejskija (milicejskija) siły i vyratavalnyja padraździaleńni. Ahulnaja kolkaść udzielnikaŭ vučeńnia składaje bolš za 900 čałaviek i zvyš 120 adzinak vajennaj i śpiecyjalnaj techniki, u tym liku viertaloty i BPŁA.
