Čechija stała druhoj krainaj Jeŭrasajuza, na ŭsioj terytoryi jakoj časova zakryvajecca bolšaść drobnych kram i pradpryjemstvaŭ pa akazańni pasłuh, a žycharam dazvolena pakidać damy tolki pry nieabchodnaści.
Z-za mocnaha rostu kolkaści chvorych na karanavirus urad Čechii robić bolš žorstkimi miery baraćby z pandemijaj.
Žycharam krainy budzie dazvolena pakidać damy tolki dla taho, kab pajści na pracu, da doktara abo kupić pradukty i tavary pieršaj nieabchodnaści. Dazvolenyja taksama prahułki na pryrodzie, naprykład u parkach. Akramia taho, pavodle rasparadžeńnia ŭrada, ździajśniać pajezdki možna tolki ŭ nieadkładnych vypadkach, a kolkaść sacyjalnych kantaktaŭ varta skaracić da «nieabchodnaha minimumu».
Napiaredadni Irłandyja stała pieršaj krainaj ES, dzie łakdaŭn dziejničaje na ŭsioj terytoryi krainy.
