Maja Sandu, NewsMaker.md
Na prezidenckich vybarach u Małdovie budzie druhi tur. Jon projdzie 15 listapada. U pieršym tury dziejučy prezident Ihar Dadon sastupiŭ pradstaŭnicy prajeŭrapiejskich sił, eks-premjeru krainy Mai Sandu krychu bolš za 3%.
Paśla padliku 99,77% biuleteniaŭ u Sandu 36,10%, u Dadona — 32,66%.
Zamykaje trojku lidar «Našaj partyi», mer druhoha pa vieličyni horada krainy Belc Renata Usatyj z 16,93% hałasoŭ.
U vybarach udzielničali jašče piać kandydataŭ: Vijaleta Ivanoŭ ad partyi «Šor» (6,51%), staršynia partyi «Hodnaść i praŭda» Andrej Nestasie (3,26%), kandydat ad Partyi nacyjanalnaha adzinstva Aktavijan Tyku (2,01%), kandydat ad Libieralna-demakratyčnaj partyi Tudar Deliu (1,37%) i kiraŭnik Libieralnaj partyi Doryn Kirtaake (1,20%).
Dadon ličycca prarasijskim kandydatam, jon taksama vialiki siabra Łukašenki.
Heta ŭžo druhija ŭsienarodnyja vybary prezidenta Małdovy. Pieršyja prajšli ŭ 2016-m.
U pieršym tury tady Dadon nabraŭ 47,98%, Sandu — 38,71%, u druhim tury Dadon — 51,11%, Sandu — 48,97%.
