Fonet
Patryjarch Sierbskaj pravasłaŭnaj carkvy Iryniej pamior va ŭzroście 90 hadoŭ z pryčyny ŭskładnieńniaŭ, vyklikanych zaražeńniem karanavirusam, zajaviŭ prezident Sierbii Alaksandr Vučyč, piša Bi-bi-si.
«Dla mianie było honaram, što vas viedaŭ. Takija, jak vy, nikoli nie sychodziać», — napisaŭ Vučyč.
Patryjarch znachodziŭsia na lačeńni ŭ špitali «Karaburma» z 4 listapada, kali pry płanavym testavańni ŭ jaho paćvierdziłasia zaražeńnie karanavirusam. Jon byŭ padklučany da aparata ŠVŁ.
Patryjarch Iryniej (Mirasłaŭ Haŭryłavič) naradziŭsia 28 žniŭnia 1930 hoda ŭ vioscy Vidava. U 1951 hodzie skončyŭ duchoŭnuju sieminaryju ŭ Pryzrenie. Zatym skončyŭ bahasłoŭski fakultet Białhradskaha ŭniviersiteta i aśpiranturu pry bahasłoŭskim fakultecie Afinskaha ŭniviersiteta. Pa zakančeńni ŭniviersiteta słužyŭ u juhasłaŭskaj armii.
U kastryčniku 1959 hoda pryniaŭ manaski postryh. U mai 1974 hoda abrany vikarnym jepiskapam Patryjarcha Sierbskaha. Kiravaŭ Sierbskaj pravasłaŭnaj carkvoj z 2010 hoda.