U Ekanamičnym sudzie Minska razhledzieli spravu pa pazovie Mininfarma suprać Tut.by. Sudździa pastanaviŭ pazbavić partał statusu ŚMI.
Sud pačaŭsia z padačy chadajnictvaŭ, a taksama zajavy Maryny Kisialevič, jakaja prasiła pryznać jaje treciaj asobaj pa spravie ŭ suviazi z tym, što, kali Tut.by stracić status ŚMI, jaje intaresy na atrymańnie dakładnaj infarmacyi buduć uščemlenyja. Sudom joj było admoŭlena.
Intaresy Tut.by abaraniali hienieralny dyrektar TAA «TUT BAJ miedyja» Ludmiła Čekina i advakat Siarhiej Zikracki. Intaresy Ministerstva infarmacyi pradstaŭlała advakat i partnior advakackaha biuro «Pryncypijał» Taćciana Špileŭskaja.
Abaronca ad Mininfarma ŭ jakaści prykładaŭ naniesienaj škody dziaržaŭnym intaresam pryviała materyjały, pa jakich byli vyniesienyja papiaredžańni, pakazaŭšy, što, zavyšajučy pamier sum, jakija padlahali vypłatam rabotnikam Kamiteta dziaržkantrolu, partał masava dezynfarmuje nasielnictva ab paradku raźmierkavańnia i raschodavańnia biudžetnych srodkaŭ. A taksama pakazvaje, što publikacyja nie adpaviednaj rečaisnaści infarmacyi, jakaja dyskredytuje dziejnaść dziaržorhanaŭ u isnujučych hramadska-palityčnych umovach, nanosić škodu dziaržaŭnym intaresam.
Abarona Tut.by ličyć, što Mininfarm dapuściŭ parušeńnie, nie pakazaŭšy, u čym u hety vypadku zaklučajecca dziaržaŭny intares. Akramia taho, zadavalnieńnie pazovu ab pazbaŭleńni Tut.by statusu ŚMI budzie nakiravana suprać infarmacyjnaha suvierenitetu Biełarusi, spasyłajučysia na pastanovie Saŭmina «Ab kancepcyi infarmacyjnaj biaśpieki», dzie havorycca, što ŭ paradku dasiahnieńnia infarmacyjnaha suvierenitetu dziaržava zabiaśpiečvaje raźvićcio nacyjanalnych ŚMI.
Nastupstvami razhladanych parušeńniaŭ, na dumku abarony istca, moža być mahčymaść spynieńnia vypusku sietkavaha vydańnia. Hetaj mahčymaściu Mininfarm i skarystaŭsia, bo z boku Tut.by, pa słovach Ministerstva, nieadnarazova byli dapuščanyja parušeńni, za jakija vyniesienyja papiaredžańni. Heta nie adabjecca na pravach hramadzian na atrymańnie infarmacyi, bo hramadzianie atrymlivali jaje i da atrymańnia partałam statusu ŚMI.
Abarona Tut.by ukazvała, što ŭ materyjale ab ubačanych parušeńniach na vybarčym učastku infarmacyja była atrymanaja ad naziralnika, što pakazana ŭ artykule. Mininfarm nie asprečvaje fakt kolkaści vybarščykaŭ, a kaža, što naziralnik nie moh vałodać dakładnaj infarmacyjaj, bo nie znachodziŭsia ŭ kabiniecie, dzie stajali skryni. To-bok Mininfarm daje acenku taho, jak atrymlivałasia infarmacyja, nie staviačy pad sumnieŭ samu infarmacyju. Publikacyja hetaha materyjału nie moža parušać dziaržaŭnyja intaresy. Za materyjał ab premijach vyniesiena papiaredžańnie jak za značnaje pieravyšeńnie źviestak ab pamiery premij, ale pry hetym nichto z hramadzian nie moža atrymać infarmacyju ab ich pamiery, bo heta «infarmacyja dla słužbovaha karystańnia», pakazvaje advakat. Tak i žurnalistam paśla nie ŭdałosia daviedacca ich pamier. U toj ža čas vypłata premij praduhledžana zakanadaŭčymi aktami, i ŭ materyjale nie havorycca, što jany atrymany, naprykład, niezakonna, jana nie moža nanieści škodu dziaržaŭnym intaresam. Pa materyjale ab knizie pra Hary Potera była padadzienaja infarmacyja, atrymanaja ad adnoj krynicy, z nastupnym uniasieńniem aficyjnaha kamientara, jakija asprečvajuć hetuju infarmacyju.
— Havoračy pra try isnujučyja papiaredžańni, nieabchodna suadnosić ich z kolkaściu materyjałaŭ, jakija vypuskalisia. 4692 materyjały byli apublikavanyja za pieryjad ad pieršaha da apošniaha papiaredžańnia. Ź ich Ministerstvam infarmacyi było vyniesiena try papiaredžańni, jakija ličacca biassprečnymi. Heta 0,06% materyjałaŭ, apublikavanych na partale Tut.by, — zajaviŭ advakat Siarhiej Zikracki.
***
Z 7 žniŭnia 2020 hoda Tut.by atrymaŭ čatyry papiaredžańni pa materyjałach «U siem razoŭ bolš vybarščykaŭ i «tajemnyja» pratakoły. Jakija parušeńni ŭbačyli naziralniki i što skazaŭ CVK?», «Kamitet dziaržkantrolu zmoža vypłacić bujnyja premii rabotnikam, jakija prajaviać siabie ŭ rezanansnych spravach», «Da redaktara Tut.by pryjšli siłaviki. Na jaje dačku zaviali kryminalnuju spravu ab masavych biesparadkach» i «Biełaruskaja mytnia paprasiła paćvierdzić, što ŭ «Hary Potery» niama zaklikaŭ da źviaržeńnia ŭłady».
Pazbaŭleńnie vydańnia statusu ŚMI mahčyma paśla dvuch i bolš piśmovych papiaredžańniaŭ na praciahu adnaho hoda.
18 vieraśnia Ministerstva infarmacyi źviarnułasia ŭ sud z pazovam ab spynieńni vypusku sietkavaha vydańnia Tut.by. Z 1 kastryčnika zahadam ministra infarmacyi Ihara Łuckaha dziejańnie hetaha statusu dla Tut.by prypyniena da 30 śniežnia 2020 hoda.
Paśla abskardžańnia Tut.by u Viarchoŭnym sudzie vyniesienych papiaredžańniaŭ adno ź ich było pryznana niesapraŭdnym.
