Microsoft nie płanuje aficyjnyja pastaŭki ŭ Biełarusi novych Xbox Series nibyta praz sankcyi i palityčnyja padziei ŭ krainie. Pra heta Digital Report raspaviali pradstaŭniki adrazu niekalkich handlovych kampanij, jakija płanavali pačać prodaž novaj kansoli, piša Tut.by.
Pa ich słovach, Microsoft nie stała siertyfikavać svaje novyja kansoli na dziaržaŭnym uzroŭni, što śviedčyć ab adsutnaści płanaŭ pa prodažach i harantyjnaj padtrymcy.
Jak skazali supracoŭniki handlovych kropak, u razmovie z Microsoft im patłumačyli admovu ad prodažaŭ nakładzienymi sankcyjami. Pry hetym patłumačyć, jakija sankcyi nie dazvalajuć amierykanskaj kampanii handlavać kansolami ŭ Biełarusi, U Microsoft nie zmahli.
U toj ža čas viadoma, što pieršuju partyju kansolaŭ Xbox Series u Biełaruś pastaviła pryvatnaja kampanija «Pacia», jakaja pracuje pad brendam «5 elemient». Chutčej za ŭsio, siertyfikacyju kansoli jana pravodziła samastojna, jak asobnaj partyi. Heta značyć, što dla dastaŭki novych kansolaŭ, siertyfikacyju pryjdziecca paŭtaryć.
Digital Report nakiravaŭ u Microsoft zapyt na atrymańnie dadatkovaj infarmacyi, adnak aficyjnuju pazicyju atrymać pakul nie ŭdałosia. Akazałasia, što karparacyja skaraciła svaju aktyŭnaść u našaj krainie i nie ŭzajemadziejničaje z presaj pa pytańniach raspaŭsiudžvańnia praduktaŭ u krainie.
Pavodle nieaficyjnaj infarmacyi, Microsoft nie prosta admoviłasia ad prodažaŭ, ale i płanuje całkam zakryć dostup da hulniavoj placoŭki i kramy ź Biełarusi. Mahčyma, u biełarusaŭ chutka źniknie mahčymaść kuplać ličbavyja kopii hulniaŭ u kramie Microsoft.
Praŭda heta robicca nie stolki z-za sankcyj, kolki z-za novaj stratehii, kali Xbox pavinien prysutničać tolki na rynkach, jakija pryznajucca amierykanskaj karparacyjaj. Krynicy ŭnutry Microsoft kažuć, što ŭ 2021 hodzie karparacyja płanavała aficyjna zapuścić Xbox Series u Biełarusi.
Darečy, jašče padčas zapusku Xbox One kampanija viała pieramovy ź biełaruskim biznesam pa akazańni pasłuh techničnaha absłuhoŭvańnia. Mierkavałasia, što biełarusy zmahli b źviartacca da pradstaŭnika Microsoft, jaki zabiaśpiečvaŭ by harantyjny ramont i absłuhoŭvańnie kansolaŭ. Ale pieramovy zamarozili i servisny centr tak i nie zapracavaŭ.
Zaraz u płanach Microsoft Aficyjny Xbox u Biełarusi ŭ 2021 hodzie i arhanizacyja płaciažoŭ u kramie hulniaŭ u biełaruskich rublach. Ale hetyja płany mohuć być adkładzienyja z-za składanaj palityčnaj situacyi ŭ krainie. U Microsoft miarkujuć, što ŭ krainie abstanoŭka nie spryjaje zabaŭlalnamu servisu.
Pytańnie aficyjnaj prysutnaści Xbox Series u Biełarusi budzie vyrašacca letam 2021 hoda. U jakaści alternatyvy Microsoft razhladaje siertyfikacyju kansoli dla biełaruskaha rynku, ale tolki paśla taho, kali ŭsie klučavyja krainy zadavolać popyt na novuju pryładu.
