korelichy.by
U Kareličach zatrymali zasnavalnika i redaktara rehijanalnaha sajta Korelichi.by Karalinu Kniaźkovu. Pavodle infarmacyi aficyjnaj hrupy vydańnia ŭ Ukantakcie, usio adbyłosia ranicaj 9 śniežnia. Doma ŭ dziaŭčyny byŭ ahlad, kanfiskavali techniku, piša Tut.by.
Karalina Kniaźkova pracuje instruktaram-mietadystam u DIUSŠ Karelickaha rajona.
— Ja maju aktyŭnuju hramadzianskuju pazicyju, viadu navinavy miascovy niezaležny sajt, udzielničała ŭ mitynhach i akcyjach. Była asudžanaja razam z usioj siamjoj pavodle art. 23.34 KoAP praz fota sa ściaham. U vieraśni z-za hetaha muž syšoŭ ź milicyi, praz paru dzion mianie paprasili napisać zajavu na zvalnieńnie z pracy pa sumiaščalnictvie. Ja napisała. Zaraz u siamji zarablaju tolki ja, pracujučy ŭ spartyŭnaj škole. Apošni miesiac na mianie pačaŭsia vielmi mocny cisk, mianie sprabujuć zvolnić da kanca kantrakta, a jon zakančvajecca 8 studzienia. Ja admaŭlajusia pisać zajavu pa ŭłasnym žadańni, ale i pa artykule mianie nie mohuć zvolnić — pryčyn niama, — raspaviadała na dniach Tut.by Karalina.
Pavodle infarmacyi hrupy ŭ Ukantakcie Korelichi.by, taksama zatrymanyja baćki Karaliny. Na ŭsich členaŭ siamji skłali pratakoły pa artykule 23.34 KoAP «Parušeńnie paradku arhanizacyi abo praviadzieńnia masavych mierapryjemstvaŭ».
— Abiacali, što baćkoŭ viečaram adpuściać, a Karalina budzie čakać suda ŭ IČU. Sud pavinien prajści zaŭtra — raspaviali znajomyja dziaŭčyny. — Mahčyma, jaje tam pakidajuć, kab była aficyjnaja pryčyna zvolnić z pracy — bo heta možna paličyć za prahuły, naprykład.
Muž Karaliny nie zatrymany.
