U sudzie Pieršamajskaha rajona raźbirajuć spravy zatrymanych učora ksiandza Viktara Žuka, hreka-katalickaha śviatara Alaksieja Varanko i ich siabra Alaksieja Karakova, paviedamlaje Radyjo Racyja.
Usich traich milicyjanty zatrymali ŭčora niepadalok ad handlovaha centra «GREEN» i skłali pratakoły za niesankcyjanavanaje pikietavańnie. Padčas sudovych pracesaŭ, jakija praz skajp vioŭ sudździa Michaił Jurčanka, usie troje tłumačyli, što nie ładzili pikiet, a malilisia za žycharoŭ Biełarusi. Pry hetym Alaksiej Varanko trymaŭ bieł-čyrvona-bieły ściah.
Sud pastanaviŭ, što ŭ dakumientach spraŭ niedastatkova źviestak, kab pryniać rašeńnie. Tamu aficyjnyja papiery nakiravali na dapracoŭku ŭ Pieršamajski RAUS. U izalatary časovaha ŭtrymańnia svajakam padsudnych paviedamili, što jany volnyja. Data praciahu sudovaha pracesu pakul nieviadomaja.