Handbalist Michaił Jakimovič, čempijon Alimpijady-1992 u składzie Abjadnanaj kamandy SND, udzielnik ČIE i ČS 1994-1995 sa zbornaj Biełarusi padzialiŭsia mierkavańniem pra bieł-čyrvona-bieły ściah
handballfast.com
«U mianie adnolkavaje staŭleńnie jak da čyrvona-zialonaha, tak i da bieł-čyrvona-biełaha ściaha. Ja naradziŭsia i ros pad čyrvona-zialonym ściaham, hulaŭ za zbornuju Biełarusi pad dvuma ściahami. Potym mnie vypaŭ u žyćci vialiki honar — nieści bieł-čyrvona-bieły ściah na Alimpijadzie ŭ Barsiełonie. Tady my vystupali ŭ sumiesnaj kamandzie SND.
Na adkryćci Hulniaŭ Saša Karelin nios ahulny ściah, taksama byli ściahi krain-udzielnic SND, i ja nios ściah Biełarusi, bieł-čyrvona-bieły. Hanarusia hetym i nie liču, što heta robić mianie fašystam, choć ciapier i ŭsiakaje kažuć pra hety ściah.
Dla mianie važniej nie simvolika, a kraina. Raniej, kali my zajmalisia sportam, u nas było dva kamplekty formy — adzin čyrvony, druhi bieły. Ale pry hetym my pradstaŭlali adzin kłub — SKA-Minsk. Toje ž samaje i sa ściahami, heta ŭsio atrybutyka».
