BiełTA
Pra heta raspavioŭ žurnalistam hiendyrektar «Biełfarmprama» Siarhiej Kazakievič, paviedamlaje BiełTA.
«My płanujem, što vytvorčaść budzie arhanizavana ŭžo ŭ 2021 hodzie na niekalkich placoŭkach, i praces vakcynacyi budzie vieścisia ŭ tym liku z vykarystańniem vakcyny, vyrablenaj u Biełarusi», - adznačyŭ Kazakievič.
Pa jaho słovach, dla vytvorčaści vakcyny (chutčej za ŭsio, heta budzie rasijskaja «Spadarožnik V») buduć zadziejničany dźvie placoŭki «Biełmiedpreparataŭ» u Minsku i mahutnaści viciebskaha pradpryjemstva «Biełvitunifarm».
«Hetyja try placoŭki pačnuć pracu adna za adnoj. Ja płanuju, što adna pačnie pracavać dzieści ŭ druhim kvartale, nastupnaja pavinna zapracavać pa vynikach treciaha kvartała, treciaja — da kanca hoda», - rastłumačyŭ Kazakievič.
Razam z tym, jak paviedamiŭ staršynia prezidyuma Nacyjanalnaj akademii navuk Uładzimir Husakoŭ, pratatyp biełaruskaj vakcyny ad karanavirusa moža źjavicca da kanca 2021 — siaredziny 2022 hoda.
